Bir qəlbü ciyərparəsidir, canıdı Zeynəb.
Taətdə yetib Fatimə ən ali məqamə,
Həqqin ona bəxş etdiyi ehsanıdı Zeynəb.
Bir kimsə Hüseynə belə göz yaşları tökməz,
Dərd ilə yanan şəm'i-şəbistanıdı Zeynəb.
Dünya evinin süfrəsinin dərddi təamı,
Ən acı olan loxmaya mehmanıdı Zeynəb.
Sidq ilə çağır ki, odur aləmdə əlacın ,
Hər dərd ki, var, çarəsi, dərmanıdı Zeynəb.
Daməndə qalan kimsələrin ruzi-qiyamət,
Son fürsətidir, bəlkə, son imkanıdı Zeynəb.
Bir qətrəsi bəsdir ki, cəhənnəm odu sönsün,
Əlbəttə, Əmini, kərəm ümmanıdı Zeynəb.
Комментариев нет:
Отправить комментарий